Le Direct

Pas de remise en semi-liberté pour Pierre Alessandri : son avocate et l'Ora di u Ritornu expriment leur incompréhension

Vennari, l’Ora di u Ritornu hà fattu una cunfarenza di stampa, in riazzioni à u ricusu fattu da a Corti d’Appellu di parigi à a dumanda di meza libartà di Pierre Alessandri.

Innanzi ch’iddu parli u Cullittivu, Marie-Josée Bellagamba, l’avucata di Pierre Alessandri, hà presu a parolla. Hà dittu ch’idda era stunata da i mutivazioni d’issa dicisioni. Avendu discorsu cù u so clienti, l’avucata hà dittu ch’iddu era affesu u so clienti, ancu più chè quidd’altri volti.
Steti à senta à Marie-Josée Bellagamba.

 

À l’Ora di u Ritornu, una rivindicazioni sola li veni : chì l’eletti, naziunalisti o altri, fermini senz’altru i so niguziati cù parigi. Pà u Cullittivu, issi discussioni ùn ani valori sin’tantu ch’iddi fermani l’aienti in prighjoni. In i ghjorna è i sittimani à vena, ci pudaria essa calchì mubilisazioni.

Steti à senta à Camille Martelli, à nomu di L’Ora di u Ritornu.

 

Prisenti da purtà u so sustegnu, Simon’ Paulu Ferrandi, u fiddolu d’Alain Ferrandi, era ancu iddu stumacatu da issa dicisioni.

Si dumanda sè u statu francesu ùn avaria micca presu a dicisioni di lacà mora i prighjuneri di u gruppu dittu « érignac » in prighjoni.

Steti à senta à Simon’ Paulu Ferrandi.