Pas de danger au Barrage d'E Cutone selon l'OEHC
( A redazzioni d'Alta Frequenza) - Priculu ùn ci n'hè: nè pà l'aienti, nè pà l'animali: Saveriu Luciani, presidenti di l'Offiziu d'Ecchippamentu Idrolicu di a Corsica hà cumunicatu arrimani (luni) nant'a situazioni di u matrali d'E Cutone in Balagna. Quand'ellu si senti parlà quì è culà d'una cuntaminazioni in nanò batterii, incù un risicu maiò, pà quilli chì si servini di st'acqua quì, u Cunsiglieri esecutivu hè statu più chè chjaru. I cuntroli si facini ogni ghjornu, l'analisi sò boni, è tandu, l'acqua hè viramenti bona pà a cunsumazioni. I batterii sò prisenti quant'è inde l'altri matrali di Francia è po d'altrò, è ùn sò micca priculosi pà a saluta. Inveci, ciò chì dà u pinseri à Saveriu Luciani, sò piuttostu i riservi d'acqua di stu locu di a piaghja di u Reginu in Balagna. Ancu sì u matrali hè pienu à 60%, l'affari si pudariani cumplicà in li mesi à vena, s'ellu ùn piovi micca.
Sur le même sujet
