Le Direct

Partenariat entre le RTES et l'ADEC dans le cadre de l'économie sociale et solidaire

(A redazzioni d'Alta Frequenza) - Marti scorsu, a Reta di i cullittività Tarrituriali par un'Ecunumia Sulidaria, a RTES, urganizava in Bastia una riunioni interregiunali PACA-Corsica pà fà sapè l'intrata di a Corsica grazia à l'ADEC nentru à ssa reta. Una ghjurnata di scambii chì hà parmissu à attori pulitichi è ecunomichi numarosi, ch'elli ghjunghjessini da picculi intercumunalità o da una regioni sana, di fà cunnoscia i so sparienzi in u duminiu di l'ecunumia suciali è sulidaria, una di i priurità di l'ADEC. In fatti, in u quadru di u prima pianu di dinamisazioni di l'ESS in Corsica chì s'hè compiu in fin d'annata scorsa, sei millioni d'auri sò stati investiti, mentri chì un sicondu pianu hè statu ingaghjatu ghjustu dopu.

Steti à senta à Jean Zuccarelli, u presidenti di l'ADEC.