Parking Gaudin : inquiétudes des professeurs et parents d'élèves du Vieux Lycée à Bastia
(A redazzioni d'Alta Frequenza) - L'avvena di u Vechju Liceu hè in periculu. Eccu u missaghju purtatu da i prufissori è i parenti d'elevi di u culleghju Simon Vinciguerra in Bastia, induva u parking Gaudin hà da essa custruitu induv'ella c'hè a corti di recreazioni, un parking di 300 piazzi in prughjettu dipoi parechji anni. I travaghji, chì duvariani principià à u mesi di sittembri chì veni, pudariani bè inghjinnà una delucalisazioni tempuraria di l'elevi di u culleghju, hè in tutti i casi u timori chì hè statu cumunicatu. Ci sò dinò inchietudini à u nivellu patrimuniali è pà l'utilisazioni di u casali dopu à i travaghji, ciò chì metti in dubbitu pà contu soiu u prughjettu pedagogicu.
Steti à senta à Marie Pierre Marchini, prufissori d'inglesi.
