Ouverture des inscriptions pour une nouvelle édition de l'Urban Trail Aiaccina
(A redazzioni d'Alta Frequenza) - Dumenica u 24 di sittembri, Aiacciu hà da accoglia un'edizioni nova di l'Urban Trail Aiaccina. Una corsa urganizata da è à prò di a Liga contr'à u cancaru di Corsica Suttana, cù una marchja ditta saluta, è un raid spurtivu. Un'azzioni purtata in partenariatu cù a cità d'Aiacciu, è soprattuttu u so serviziu di i sports, chì vedi in ella una bunissima manera di prumova una certa pedagugia inghjiru à u sport, arrimbata par asempiu à a sulidarità. U Sport Saluta, è u fattu d'impatrunisciasi torna u so spaziu urbanu, hè dinò u scopu di ssa corsa. I scrizzioni sò dighjà aparti, frà altru nant'à u situ internet www.aiaccina.com
Un'attività fisica rigulari, è si sà pocu, hè dinò un affari bunissimu pà privena è luttà contr'à u cancaru, com'ella a ci dici Nicole Spinosi pà a Liga contr'à u Cancaru di Corsica Suttana.
