Orages et Vent : la Corse en vigilance Jaune
Da u trè di nuvembri à deci ori di sera, sinu à u quattru à sei ori di mani, Meteò france hà missu a Corsica in vighjulanza giadda parvia di u risicu di scurruttoni.
U puntu altu di a passata hè privistu trà deci ori di sera è dui ori di mani : pudariani falà da 20 à 30 mm d’acqua, in i circonda d’Aiacciu in prima, po’ dopu in l’arghja purtivichjaccia.
Ci sarà ancu una vighjulanza giadda parvia di u ventu, u quattru di nuvembri da deci ori di mani à cinqui ori di sera : u ventu di Punenti pudaria tuccà i 60 o 80 chilomitra à l’ora à nantu à a parti uccidintali di l’isula, è ghjunghja ancu à 110 chilomitra à l’ora in Alta Rocca.
Cù issi cundizioni chivi, è issendu intesu ch’iss’acquati ùn a li farani à rimpattà a poca acqua cascata in u dipartimentu, u prifettu hà dicisu di pruibì l’usu di u focu vennari u quattru è sabbatu u cinqui di nuvembri.
Sur le même sujet
