Le Direct

Opération de secours et de remorquage au large de l'île de Cavallo

Issu sabbatu, u primu d’austu llu 2020, versu i 4 ori llu dopu meziornu, u yacht talianu « Régis » hà toccu unu scoddu, versu l’isula llu Cavaddu.
Subitu, u CROSS Med di Corsica hà missu in anda i succorsi.
L’undici parsoni ch’erani à nantu à a navi sò stati avviati, tutti in saluta, à nantu à l’isula.
Un avviò di patruglia Falcon 50 di a marina hè andatu supr’à locu, da renda si contu di i danni, ch’idda sichi par a navi o pà l’ambienti.
L’acqua, iridata, pari ch’idda dica calchì pulluzioni. Un Rimurcadori d’Intarvinzioni, Assistenza è Salvamentu sarà mandatu supr’à locu, par casu ch’iddu ci ni sichi bisognu.
Intantu, una sucità privata hà purtatu a navi à l’amoddu, da virificà ni, di manera apprufundita, u statu.