Nouvelle vigilance Orange vents violents dès ce lundi en Corse
(A ridazzioni d'alta Frequenza) - Toccu luni, à 11 ori di mani in Pumonti è à 3 ori llu dopu meziornu in Cismonti, a Corsica sarà in vighjulanza arancina parvia di i venti viulenti. L’affari duràrà sinu à marti matina.
À senta à Météo france, in Cismonti, u ventu hà da piddà forza luni dopu meziornu : tuccarà i 110 0 130 chm à l’ora in Balagna, è i 130 o 160 in Capicorsu.
In a siconda parti lla notti è sinu à marti matina, i buffulati pudariani francà i 200 chm à l’ora.
In li circondi bastiacci, u ventu, toccu u luni à sera, ghjunghjarà à 130 o 160 chm à l’ora. Si spera ch’iddi calghini marti in dopu meziornu, issi venta.
Fatta fini, in Cismonti, issa timpuralata pudaria essa peghju chè quidda llu 4 di frivaghju.
In l’internu muntagnolu, u ventu tuccarà luni dopu meziornu i 100 o 120 chm à l’ora, è si pudaria avvicinà in a notti à i 150.
Fatta fini, i buffulati tuccarani a piaghja à liventi, da Portivechju à a Sulinzara. Culandi, pudariani ghjunghja à 150 chm à l’ora, innanzi di perda forza marti in dopu meziornu. Pà issu Pumonti, issi vintati duvariani essa più debbuli chè quiddi llu 4 di frivaghju.
Sur le même sujet
