Nouvelle manifestation des parents d'élèves et professeurs du Vieux Lycée à Bastia
(A redazzioni d'Alta Frequenza) - Più di una centina d'elevi, parenti d'elevi è prufissori di u Vechju Liceu si sò aduniti ssu marcuri davanti à l'uffiziu di turisimu di Bastia. Ani fattu cunnoscia torna u so timori di pettu à l'avvena di u culleghju Simon Vinciguerra duranti è dopu à i travaghji di u parking Gaudin chì hà da fà spariscia di tutti i maneri a corti di recreazioni di u culleghju. Delucalisazioni o micca ? S'è i corsi sò mantinuti duranti i travaghji, induva sarani dati ? Chì sarà dumani ? Ssi dumandi numarosi sò posti da ssu cullittivu. Da un'antra banda, una riunioni nova hè privista ssu vennari in casa cumuna di Bastia trà a municipalità, a Cullittività Tarrituriali di Corsica è u Rettori d'accademia.
Steti à senta à Marie France Fraioli, parenti d'elevu.
