Le Direct

Nouvelle édition des Scontri Internaziunali di a Ghjuventù in Lotta dès ce mardi à Corte

(A redazzioni d'Alta Frequenza) - Hè ssu marti ch'elli ani da principià i tradiziunali Scontri Internaziunali di a Ghjuventù in Lotta in Corti. Urganizata da a Ghjuventù Indipendentista, ss'11ima edizioni hà da aduniscia duranti trè ghjorni torna una volta dilegazioni internaziunali numarosi ghjunti da Sardegna, Paesi Bascu, Catalogna, Palistina o ancu da u Kurdistan. Ci sarani parechji dibattiti è cunfarenzi propiu pulitichi in a facultà di lettari di l'Università di Corsica, par asempiu annant'à a situazioni pulitica di i populi in lotta, annant'à l'avvena ecunomicu di a Corsica è annant'à a situazioni in u Mediu Urienti è in u Vicinu Urienti. Scontri chì accugliarani dinò parechji musicanti è cantadori isulani pà sirati culturali marti è ghjovi. Un evenimentu chì t'hà una dimensioni assai particulari quist'annu, mentri chì a Corsica cunnosci un'attualità pulitica assai ricca à parechji nivelli.

Steti à senta à Petru Vesperini, u presidenti di a Ghjuventù Indipendentista.