Nouvelle demande de rapprochement en Corse pour Alain Ferrandi et Pierre Alessandri
(A redazzioni d'Alta Frequenza) - U cullittivu L'Ora di u Ritornu, cumpostu da i famighji è i parsoni vicini à Alain Ferrandi è Pierre Alessandri, urganizava ssu marti una cunfarenza di stampa in Aiacciu. I dui omi, incarcerati dipoi u 25 di maghju di u 1999 pà l'assassiniu di u prifettu Claude Erignac, erani stati cundannati à perpetuità è sò imprighjunati in a casa cintrali di Poissy. Alain Ferrandi è Pierre Alessandri, di quali a cundanna ditta di sicurezza di 18 anni si cumpiarà da quì à pocu, dumandani u so avvicinamentu in Corsica. È mentri chì a cumissioni DPS avia datu un avisu favurevuli, u so statutu di prighjuneru propiu signalatu hè statu mantinutu d'aostu scorsu nant'à un ordini di u ministeru di a Ghjustizia, sarrendu cusì a porta à un avvicinamentu inde l'isula quist'annu. Malgradu tuttu, i famighji è i parsoni vicini à i prighjuneri pulitichi fermani ditarminati è dumandani solu oghji l'appiecazioni franca è chjara di u dirittu, parmittendu à Alain Ferrandi è à Pierre Alessandri di ritruvà a Corsica in furia. Hè cusì chì l'avucati di i dui omi ani postu nant'à u scagnu di u ministru di a Ghjustizia una dumanda nova d'avvicinamentu.
Steti à senta à Thierry Casanova, pà u cullittivu L'Ora di u Ritornu.
