Le Direct

Nouvelle communication, non authentifiée pour l'heure, de GCC

Via un cumunicatu ghjuntu à Corse Matin, u gruppu GCC hà rivindicatu 17 azzioni clandistini, trà i quali quiddi contru à i mirrii d’Afà è d’Appietu.

U ghjurnali hà fattu sapè chì par avali, a cumunicazioni ùn s’era pussuta autentificà.

« Ammunimu tutti i parsoni rispunsevuli di a sparizioni di u populu corsu, l’eletti ufficiali chì volini tirà prufittu par iddi soli di i ricchezzi di l’isula, i impresi di u BTP chì s’arricchiscini di manera vargugnosa è chì facilitighjani u pupulamentu di massa stranieru, è tutti l’agenzi immubiliari », dici u cumunicatu.

À senta ni à Corse Matin sempri, l’autori di u cumunicatu dicini, à intinzioni di u FLNC, ch’iddi tenini à « purtà u so sustegnu à issi cumpagni d’armi chì, da tanti anni avali, luttani par salvà i dritti di u populu corsu ».
Lampani ancu issa chjama à u muvimentu clandistinu : « dumandemu a noscia intruta ufficiali, tinindu a noscia identità, in l’urganisazioni chì da quì à pocu hà da fà i so 50 anni di lutta armata ».