Nouvel épisode pluvieux orageux en Haute-Corse : prudence
Nouvel épisode pluvieux orageux en Haute-Corse : prudence !
(A redazzioni d'Alta Frequenza) - Météo France annunzia un episodiu novu d'acquati è di timpurali pà i ghjorni chì venini. Stanotti, u gattivu tempu duvaria essa più forti cà dopu meziornu è tuccà tutta a Corsica Suprana. I cumuli d'acqua duvariani essa trà 40 è 60 mm in Castagniccia è in Fium'Orbu; trà 30 è 50 mm in Capicorsu, u Nebbiu è a piaghja urientali; trà 20 è 30 mm in Balagna è in Niolu. U ventu di Nordu Livanti duvaria suffià trà 40 è 50 chilometri par ora. Dumani, ci duvaria essa u timpurali cù acquati frequenti : i cumuli pudariani cullà trà 50 è 70 mm ind'a parti urientali di u dipartimentu, trà 20 è 40 mm pà l'altri zoni. Di pettu à ssi previsioni (fin'è 100 è 130 mm in 36 ori) è par via di l'acqua di più in più prisenti sottu tarra, ùn ci voli micca à minimizà i risichi d'inundazioni è di fiumari pà i stradi. A vigilenza a più maiò devi essa dunqua usservata torna pà l'ori chì venini, dici a prifittura di Corsica Suprana chì lampa una chjama nova à a prudenza.
Sur le même sujet
