Nouveaux locaux des Restos du Coeur à Bastia : de meilleures conditions de travail pour des bénévoles de plus en plus mobilisés
Dipoi uni pochi di ghjorna, i parsoni binifiziarii di i distribuzioni di i Restos du Coeur in Bastia ani pussutu scopra i lucala novi di l’associu, dopu à quindici anni passati in i lucala vichjoni di Montesoru.
Oramai, l’attività di l’associu si hè trasfirita à nantu à u viali di a Libarazioni, par goda si unu spaziu di 700m². I 550 000 € di travadda, l’ani finanzati u statu è a cità di Bastia
Ben’intesa, à i benevulanti chì aiutani i parsoni in difficultà, a lugistica li ci voli. Un dipositu cintralizighja a robba, frisca o asciutta, à spachjà in tuttu u Cismonti.
Una bedda poca di robba ghjunghji da i pruvisti francesi di i « Restos », ma quidda frisca, in maior’parti, hè lucali : si tratta chivi di i lotta ch’ùn sò stati vinduti o di i doni di certi impresi.
Da tena la, issa robba, i cundizioni igienichi sò i stessi chè quiddi imposti à i magazena d’alimintazioni.
Steti à senta à Jean-Bernard Bannié, binivulanti chì sò quindici anni.
Sur le même sujet
