Nouveaux affrontements entre manifestants et CRS à Furiani : les réactions de responsables politiques et associatifs
Parvia di a videò iddi cantani a Marseillaise i CRS di Furiani, à tempu à l’intarru d’Yvan Colonna, l’aienti si sò accolti davanti à i caserni di Furiani è Aspretu, ed sò stati d’altrondi parichji cintunari.
In Furiani, subitu ci sò stati l’azzuffi trà i CRS è certi manifistanti, chì sò pruvati à entra in u cantunamentu. I CRS ani lampatu bombi lacrimatoghji, acciuncatoghji è di dispirsioni. I manifistanti ani mandatu varii prughjittili, è calchì cocktail Molotov.
À senta ni i spinghjifoca, sei manifistanti ani avutu taddaturi è brusgiaturi lla peddi.
Eccu la dunqua vultata a viulenza, ma altru ùn pudia essa. Quissu hè l’avvisu di parichji i rispunsevuli pulitichi prisenti supr’à locu.
Steti à senta à Saveriu Luciani à nomu llu PNC.
Una riazzioni di stintu, parvia di a pruvucazioni fatta cù issa Marseillaise, hè dinò ciò ch’iddu pensa Gérard Dykstra, di Cori in Fronti.
Petru Antonu Tomasi, inchietu ben’intesa pà i manifistanti, è ch’ùn ni vurria ferti gravi trà iddi, hà dittu chì impisirì si d’issi tinsioni ùn devi quantunca micca purtà à rinuncià.
Steti lu à senta.
Infini, à nomu di l’associu Patriottu, Ghjuvan Filippu Antolini dici chì par avali, a sola cosa à fà par circà à escia da issa crisa hè d’avvicinà senza altru à Pierre Alessandri è Alain Ferrandi.
Steti lu à senta.