Le Direct

Murato : deux chevaux retrouvés morts et dix autres en état de maltraitance dans une pension équine

Photo : Gendarmerie de Corse

(A ridazzioni d'Alta Frequenza) -  A ciandarmaria lla Corsica faci cunnoscia, via a so pagina Facebook, un affari di mal’trattamentu d’animali, ch’hè successu a sittimana scursa in Muratu.

Avirtiti da ghjenti llu locu, i ciandarmi ani scupartu dui cavadda morti à nantu à un tarrenu chì ghjuvaia da pinsioni cavaddina. À nantu à dui altri tarreni vicini, deci altri cavadda, ch’ùn aviani chè acqua, sò stati trovi famiti.

Sò stati missi in mani à una parsona vicina chì si hè purtata vulintaria. Hè stata sposta à a DDCSPP una prucidura di ritiru amministrativu pà issi curci animali. Li sarani fatti cuntrolli vitirinarii, è si circarà à idintificà li via i so numari.

Pà i prupriitarii, ci hè u risicu d’una tribunalata à u pinali, chì a ciandarmaria hà fattu passà u cartulari à a pracura di Bastia.