Municipales d'Ajaccio : dernier meeting de Simon Renucci placé sous le signe de l'union
(A redazzioni d'Alta Frequenza) - L’auditorium di u Palazzu di i Cungressi d’Aiacciu era pienu arisera (marcuri) pà l’ultimu meeting di Simon Renucci à calchì ghjornu di u sicondu ghjiru di i municipali. Più di 500 parsoni ani vistu passà à a tribuna i parsunalità maiò di ssa lista mudificata marti cù a ghjunta di i naziunalisti d’Aiacciu Cità Corsa. Erani prisenti ind’a sala sustegni numarosi com’è u presidenti di l’Assemblea di Corsica Dominique Bucchini, u presidenti di u gruppu Corsica Libera à l’Assemblea di Corsica Jean Guy Talamoni, o ancu membri di a « branca aiaccina » di Femu a Corsica, com’è u numaru 3 di a lista Femu Aiacciu-Femu a Corsica Jean François Casalta, o l’anzianu diputatu aurupeu François Alfonsi. Un meeting sottu à u segnu di l’unioni pà daveru, di a difesa di i valori di a Corsica è d’Aiacciu è cù a voglia sempri dimustrata di credaci malgradu un ritardu di 15 punti dopu à u prima ghjiru contr’à Laurent Marcangeli. Ci vultaremi cù Simon Renucci ind’i nostri nutiziali chì venini.
Sur le même sujet
