Municipales Ajaccio: discussions et prise de position
(A redazzioni d'Alta Frequenza) - Municipali: s'è in Aiacciu l'affari si facini par avà di manera discreta, si sà solu chì a lista Aiacciu Cità Nova hà scuntratu Laurent Marcangeli è Simon Renucci. Da u so cantu, a lista Agir pour Ajaccio purtata da Jacques Billard è Pierre Santoni ci dà u so parè ind'un cumunicatu. "Aiacciu hè à un mumentu dicisivu" priciseghjani Jacques Billard è Pierre Santoni ..... "dinò pà dumenica chì veni, s'è a libertà di vutà hè a basa di a nostra demucrazia ..... in quantu cà omi è donni ingaghjati ind'a vita pulitica, a nostra rispunsabilità hè d'impegnà ci di più par ùn traì i nostri idei è i nostri alittori". "Dopu avè bè riflittutu, emi dunqua dicisu cù i nostri amichi di ghjirà ci pà rifarenza à a famighja liberali chì hè a nostra. A lista Agir pour Ajaccio sustinarà a lista purtata da Laurent Marcangeli chì porta un prugramma cù nentru i brami di i nostri alittori è i nostri pruposti chì sò stati accittati". Agir pour Ajaccio sarà prisenti d'altrondi pà u meeting di Laurent Marcangeli u marcuri u 26 di marzu à sei ori è mezu à u Palazzu di i Cungressi.
Sur le même sujet
