Municipales à Porto-Vecchio: Michel Giraschi a dévoilé sa liste
(A redazzioni d'Alta Frequenza) - Micheli Giraschi, candidatu U Riacquistu di Portivechju à i municipali in a Cità di u Sali, hà prisintatu à a fin di a sittimana i 32 nomi chì l’accumpagnani. Una lista chì voli raprisintà a sucità purtivichjaccia, cù parsoni chì ghjunghjini da orizonti prufiziunali diversi, da sfarenti categurii suciali, spermintati o ancu assai ghjovani, ss’ultimi avendu ancu belli piazzi annant’à ssa lista. Michel Giraschi, duranti ssa prisintazioni, hà dittu torna ch’ellu era cunfidenti pà ciò chì tocca a prisenza di « a sola lista naziunalista » d’appressu à ellu à u sicondu ghjiru, u 23 di marzu a sera. S’ellu ùn duvia micca essa u casu, u candidatu d’U Riacquistu di Portivechju dici chì nisun porta sarà sarrata pà discorra inghjiru à un prughjettu puliticu chjaru, par asempiu cù l’autonomistu Ghjuvan Cristofanu Angelini, senza parlà malgradu tuttu di manera cuncreta di u prublema di u famosu « préalable » in francesi, vali à dì a cundanna di a viulenza, ciò chì laca quì un certu dubbitu.
Steti à senta à Micheli Giraschi.
