Municipales à Bastia : le PRG de Haute-Corse soutient Jean-Sébastien de Casalta, le groupe de Jean Zuccarelli en désaccord
È torra à Vignali, ancu in duminicata… O piuttostu, « torra à Bastia », postu chì u para pidda è teni municipali ùn pidda pichju, in lla cità lli Guvirnatori.
Eccu avali chì duminica, i radicali ditti di manca ani lintatu dui cumunicati.
U primu, fattu da a fidirazioni llu Cismonti llu Partitu Radicali di Manca, dici chì u so scagnu, chì si hè riunitu vennari, faci soia a dimarchja d’accolta è d’apartura di Jean-Sébastien de Casalta, prighendu pà un’unioni lla manca à u primu ghjiru.
Quidd’altru, chì pari risponda à u primu, u porta u gruppu Radicali di Bastia, quiddu di l’uppusizioni municipali purtata da Jean Zuccarelli.
U cumunicatu dici dunqua chì « dopu à a dichjarazioni d’una pratesa fidirazioni PRG pà i municipali di Bastia, u Gruppu Radicali di Bastia ramenta ch’issu scagnu autopruclamatu ùn riprisenta a pusizioni lli Radicali Bastiacci, è ùn n’hà, lighjittimità, da parlà à nomu soiu. Fendu cussì, quiddi chì lentani issa dichjarazioni ùn circani chè à ingannà i bastiacci, è à impatrunì si u bilanciu rimarchevuli di l’ultima municipalità d’unioni di a manca, tradita da i so complici ».
Si vidi, cù issi dui, cumunicata, ch’idda pudaria essa dilicata in Bastia l’unioni lla manca, masimu pà u primu ghjiru.
