Municipales à Bastia : le Parti Communiste dénonce la 'trahison' de Jean Zuccarelli et appelle à l'abstention ou au vote blanc
Hè a prima volta dipoi a Libarazioni ch’iddu mancarà, à u cunsigliu municipali di Bastia, u Partitu Cumunistu.
Beddi inalfannati, i riprisintenti llu partitu ani spiicatu senza altru à a stampa u so ricusu di participà à a lista « Unioni pà Bastia ».
L’affari sò chjari par iddi : Jean Zuccarelli hà traditu, parvia di a so ambizioni parsunali, vali à dì a pussibilità di dirighja a CAB. À senta i cumunisti, si parla d’una carnavalata, d’un’uffesa à valori vechji. I riprisintenti di a manca scantata ani missu à palesu i niguziati pà u postu di primu aghjuntu. Issu futtogliu duvaria essa quiddu di Jean-Martin Mondoloni, par casu ch’iddu a li faccia Jean Zuccarelli à cunquistà a CAB.
À senta ni sempri i cumunisti, par casu chì Jean-Martin Mondoloni sichi elettu à l’esecutivu righjunali in lu 2021, lacaria a piazza di primu aghjuntu à François Tatti.
Pricisani dinò chì ancu puri issendu li prupostu calchì postu d’aghjuntu, ùn la pudiani accittà a prisenza d’un elettu di dritta, ch’idda sichi à liveddu llu pesu alitturali, ma ancu più simpliciamenti à liveddu puliticu.
À u Partitu Cumunistu, chì ni chjama à ùn vutà o à vutà biancu, li tuccarà à ridà si fiatu, ch’idda sichi in Bastia o à liveddu righjunali.
Steti à senta à Michel Stefani, à nomu llu Partitu Cumunistu llu Cismonti.
Sur le même sujet
