Le Direct

Municipales à Bastia : Jean Zuccarelli à la reconquête du bastion perdu

Jeann Zuccarelli (photo : Julien Pernici)

Hè uffiacilizata a candidatura di Jean Zuccarelli à i municipali di Bastia, ma in fin’di contu si sapia dighjà, chì i so soci cumunisti aviani cappiatu u leccu è u meccu.
Dopu à a concia ch’iddu presi in u 2014 contru à un’unioni ch’avia par scopu di fà cascà a dinastia zuccarelli, l’omu vurria ripiddà a bastiglia persa, dopu à sei anni d’uppusizioni à a pulitica di a maiurità d’avali.
U pinseri hè chì parichji di i so soci d’innanzi, com’è Joseph Martelli o Dominique Rossi, si sò liati à a candidatura di Jean-Sébastien de Casalta, ch’iddu susteni François Tatti. Pà u MCD, hè d’altrondi François Tatti chì hè rispunsevuli lla divisioni lla manca à u primu ghjiru. Una divisioni in trè parti, chì ci hè dinò a candidatura di Julien Morganti.
Ghjunti ni chivi, comu fà par mubilizà da essa u primu uppunenti fattu u primu ghjiru, è prupona tandu un’unioni, andendu ancu sinu à a dritta s’iddu ci voli ?
Una prima risposta prova à dà la Jean Zuccarelli.