Municipales à Bastia : Jean-Sébastien de Casalta présente le programme d'Unione Per Bastia
Ben’ch’idd’ùn ci sichini i cumunisti in l’unioni, Jean-Sébastien de Casalta, Jean Zuccarelli è Jean-Martin Mondoloni ani prisintatu u so prugrama cumunu pà u sicondu ghjiru di i municipali in Bastia.
U capifila di « l’unioni par Bastia », in prisenza di i so soci, hà dittu qualissi erani i priurità lla so lista. Renda a so attrattività à Bastia, ridà fiatu à l’ecunumia ma supr’à tuttu metta in anda, à parta si da u 1u di ghjinnaghju, un minimu suciali guarantitu.
Par avali, Jean-Sébastien de Casalta ùn lu spieca tantu u finanzamentu d’issa misura.
Inveci, hà parlatu d’issa campagna rabbiosa chì u tocca, è si hè dittu intristitu da l’attacchi parsunali.
Fatta fini, hà pricisatu chì u so solu mandatu sarà quiddu di merri di Bastia, è hà ancu dittu ch’iddu cuntinuvarà à travaddà da avucatu pinalistu in casu di vittoria.
Steti à senta à Jean Sébastien de Casalta.
In quantu à Jean-Martin Mondoloni, ch’era uppostu, è bè, à u minimu suciali à u primu ghjiru, spieca ch’iddu hà cambiatu pinsà parvia llu cuntestu ecunomicu novu impostu da u COVID 19.
Steti lu à senta.
