Le Direct

Municipales à Bastia : Jean-Sébastien de Casalta dénonce l'enfermement de la majorité territoriale sur la crise des déchets

È si parla sempri di a crisa lli rumenzuli. Jean-Sébastien de Casalta, candidatu à i municipali di Bastia sustinutu da François Tatti, u prisidenti llu SYVADEC è di a CAB, dici chì «a pulitica lla gistioni lli rumenzuli hè un fiascu trimendi. A causa n’hè, in maior’parti, a chjuditura ideulogica lla maiurità tarrituriali chì, senza appittà si à veru a rispunsabilità llu suttarramentu, ùn voli senta parlà di a valurisazioni termica. Issa pusizioni, a sdici a rialità ».
Jean-Sébastien de Casalta pruponi « d’intigrà, in l’offerta lli suluzioni, a valurisazioni energetica di i scarti trascelti capunanzi », è pricisa « chì mancu stampa ùn si parlà di valurizà tali è quali i scarti, com’idda si facia cù l’incinnaratori d’anziana ginirazioni ».
Mintuvighja a Sardegna, chì a so trascelta hè passata da 10 à 60 % in deci anni.

Oghji, cù tutti l’unità indrustiali di trattamentu, trascelta, è incinnaratori, i sardi valurizighjani 90 % di i so rumenzuli, è ùn ni suttarrighjani chè pocu è micca ».

Dici dinò, Jean-Sébastien de Casalta, ch’iddu ci vurrà à « studià a pussibilità di lià issu dispusitivu à a criazioni d’una reti di calori urbana. Di regula, l’energia d’issi reti faci fà un’ecunumia di 25 o 30 % di a cunsumazioni elettrica ».

In chjudenda, dici chì « u intaressu di a Corsica è di i Corsi si devi impona à u cunsigliu esecutivu. Devi fà la finita cù a so pusizioni dugmatica, è studià issa pruposta ».