Municipales à Bastia : Jean-Martin Mondoloni présente son programme
Intantu di prisintà a so lista « Bastia Altrimente » da quì à quindici ghjorna, Jean-Martin Mondoloni hà prisintatu u so prugrama pà i municipali.
U candidatu, sustinutu da i « Républicains » in Cismonti, pensa ch’iddi si poni invistì 200 miliona d’auri in dui mandati, è ch’iddi poni essa cumplittati cù 50 miliona d’invistimenti privati. Di fatti, Jean-Martin Mondoloni conta metta in anda cullaburazioni trà publicu è privatu, par certi prughjetti di primura.
Trà issi prughjetti, certi contani à veru par iddu : fà un tram-trennu trà u nordu è u sud lla cità, fà di u carrughju Campinchi un carrughju pidenti, crià parichji piazzi di staziunamentu, o ancu metta in anda un urganismu fundariu è sulidariu, da facilità l’accizzioni à a prupriità. Pà u portu lla Carbunita, dici Jean-Martin Mondoloni ch’iddu n’hè à favori. S’idd’andessi u portu di cumerciu versu issu situ, tandu si pudaria apra à u mari à Piazza San’Niculaiu. Ma certi d’issi prughjetti ùn si poni fà chè in cullaburazioni cù a CdC, chì par parichji siti hè prupriitaria o dicisiunaria.
Sarà, quissa, una difficultà ?
Stemu à senta à Jean-Martin Mondoloni.
