Municipales à Bastia : François Orlandi annonce son soutien à Jean-Sébastien de Casalta
In Bastia, a sapeti avali, candidaturi è sustegni par l’alizzioni di marzu n’affacca à buzeffu. Eccu dunqua un sustegnu ufficiali pà l’avucatu Jean-Sébastien de Casalta. Dopu à a fidirazioni cismuntinca llu Partitu Radicali di Manca, hè François Orlandi, u cunsiglieri tarrituriali « Andà par Dumani » è ultimu prisidenti llu cunsigliu dipartimintali llu Cismonti chì si lia à Jean-Sébastien de Casalta, dindu ch’iddu « marca u so attaccamentu à una sucità corsa più ghjusta è rispittosa, duvintendu attori di prima trinca in a lutta contru à ugni inghjustizia ».
Cusì dunqua, à senta à François Orlandi, « a so vulintà di metta si à u siriviziu lli bastiacci si mireta un sustegnu allargatu. Da purtà u so sustegnu, François Orlandi parla di « a fideltà d’una parsunalità chì u so pinseri maiori, hè sempri statu l’azzioni ».
Soca ùn sarà l’ultimu, issu sustegnu : à senta a voci chì curri, una dichjarazioni di François Tatti ci pudaria essa da quì à pocu.
