Le Direct

Municipales à Bastia : Filippo de Carlo présente sa liste

Marti, Filippo de Carlo hè statu l’ultimu candidatu bastiacciu à prisintà a so lista, « Bastia Forza Nova ». Ci si trovani in maiurità impiicati è uparaghji, trà i quali uni pochi ghjunti da l’imigrazioni aurupeana o ancu stra-aurupeana.

Ci si trovani dinò militanti, attuali o di tandu, di u Rassemblement National, com’è Jean-Antoine Giacomi è Michel Bruschini. A lista s’accoddi dinò à Thierry Biaggi, u prisidenti llu muvimentu naziunalistu di dritta idintitaria « Leia Naziunali », o ancu à Frédérique Federici, ch’era una di i « ghjilecchi giaddi ».

Una lista chì tira dunqua versu a strema dritta di a carta pulitica, è chì pratendi fà ritruvà à Bastia a so fiertà d’essa corsa, luttendu contru à l’imigrazioni massiccia è u mundialismu.
U capilista, Filippo de Carlo, ùn s’avvargugna di fà rifarenza à Donald Trump o Matteo Salvini.

Stemu lu à senta.

Jean-Antoine Giacomi, iddu, spieca a prisenza di parsoni liati à u RN cù una vulintà d’accodda tutti i dritti, à nantu à una lista di « a vera dritta ». È issa dritta chivi, à senta lu, ùn la porta mancu stampa Jean-Martin Mondoloni.

Ascultemu avali à Jean-Antoine Giacomi.

Infini, l’altra cumpunenti lla lista hè « Leia Naziunali ». Dici Thierry Biaggi chì, cù iss’alizzioni, si porghji un’altra scelta naziunalista, ch’ùn hè quidda di u naziunalo-mundialismu di i partiti storichi.

Stemu à senta à Thierry Biaggi.