Municipales à Bastia : Filippo de Carlo et Citadini Corsi veulent pimenter le débat
Bastia hè à veru una cità spiciali. S’idd’ùn bottani i fiori toccu u viaghjimu, bottani i candidaturi pà i municipali. L’ultima dichjarata – par avali ! - hè quidda di Filippo de Carlo, un risturatori, chì pruponi a lista Citadini Corsi, ben’ch’iddu li manchi sempri un deci di noma.
U muvimentu Citadini Corsi, natu cù a crisa lli Gilecchi Giaddi, vurria chì a so prisenza sichi chivi da punghja in i dibattiti. Ben’intesa, Filippo de Carlo parla di i pinsera lucali, com’è a poca missa in valori di a cità, o l’abbandonu di quartieri com’è Lupinu, Montesoru o Toga. Ma voli parlà dinò di l’imigrazioni, chì à senta lu cresci sempri di più, cù una ghjunta impurtanti di migranti for’di legi. Dici dunqua ch’iddu ci voli à parà si d’iss’affari, purtendu un discorsu chì s’avvicina à quiddu di a strema dritta.
U candidatu di Citadini Corsi dici ancu chì a candidatura di Jean-Sébastien de Casalta hè tinuta, à l’appiattu, da a Liga lli Dritti di l’Omu, è ch’idd’hè diretta contru ad iddu.
Stemu à senta à Filippo de Carlo
