Municipales 2014 à Bastia : Jean Zuccarelli offensif dans son premier meeting de campagne
(A redazzioni d'Alta Frequenza) - Ssu ghjovi, ind’un peristili di u teatru di Bastia cumplettu, Jean Zuccarelli, candidatu PRG-PCF à i municipali di u 2014 in Bastia è successori sceltu d’Emile Zuccarelli, u merri attuali, hà urganizatu u so primu meeting di campagna. Accumpagnatu nanzi à ellu à a tribuna da u so amicu cumunistu Francis Riolacci, ma dinò è soprattuttu da u presidenti di l’Assemblea di Corsica Dominique Bucchini, è da Paul Giacobbi, presidenti di l’esecutivu, sustegni pà a so candidatura, quissu quì hà difesu cù fiertà u bilanciu di a municipalità attuali. Par ellu, Bastia, chì ùn hè mancu appena povara pà contu soiu, à l’arringuerciu di ciò ch’elli poni dì altri candidati, hè un veru polu ecunomicu è turisticu, chì ci l’hà fatta à rinnuvà i quartieri di u meziornu è u quartieru di a citadella è chì porta una vera pulitica suciali. Quattru di i prughjetti i più impurtanti di a mandatura chì veni sò stati prisintati, com’è par asempiu a rialisazioni di u famosu è pulemicu portu di a Carbonite. Infini, un meeting ùn saria micca un meeting senza attacchi forti contr’à rivali pulitichi. È si pò dì chì Gilles Simeoni, è Eric Simoni appena menu, sò stati tocchi daveru, Jean Zuccarelli dicendu chì i bastiacci « ùn volini micca cappucini (cagoules) ind’a merria », è chì a parolla Inseme risonna com’è « fora » in bocca à Gilles Simeoni è di i soi.
Steti à senta à Jean Zuccarelli.
Sur le même sujet
