Multiplication des excès de vitesse en Corse : jusqu'à 176 km/h en septembre selon la gendarmerie
(A ridazzioni d'Alta Frequenza) - In un cumunicatu publicatu à nantu à Facebook, a ciandarmaria di Corsica rendi contu di parichji infrazzioni à a vitezza, cuntabilizati in Corsica da u principiu di sittembri. U 2, in u Viscuvatu, un omu hè statu futugraffiatu à 176 chm à l’ora, in una strada limitata à 110. U so permessu hè toccu da una suspesa amministrativa. U 3, in Borgu, una cunduttrici hè stata presa à 139. U so permessu hè statu toccu da una suspesa amministrativa, è a so vittura immubilizata par setti ghjorna. U 4, in Lama, à nantu à una strada limitata à 80, un cunduttori hè statu misuratu à 142. È in Centru Corsica dinò, ci sò stati infrazzioni gravi : dui cunduttori sò stati futugraffiati à 156 è 138 chm à l’ora, in Corti. Infini, l’undici di sittembri, è dinò in u Viscuvatu , una cunduttrici hè stata cuntrullata à 160, à nantu à una strada limitata à 100 chm à l’ora. Pà a maior’parti, à issi cunduttori, l’hè statu ritinutu subbitu u so permessu.
Sur le même sujet
