Motion de censure du groupe LIOT signée par les 3 députés nationalistes corses
« Ùn ci n’hè dimucrata sinceru, attaccatu à a ripublica, chì posca accittà cundizioni d’asamini cusì pricipitati pà un testu chì a so incidenza, à nantu à a vita di milioni di cumpatriotti, hà da pisà par dicini d’anni.
U stessu metudu, fattu à spiccera, hè statu aprudatu pà u neci di cuncirtazioni cù i partinarii suciali. A ripublica suciali, mintuvata à l’articulu primu di a noscia custituzioni, hè stata disprizzata.
Supr’à tuttu, comu vulè passà in forza cù una riforma chì a maior’parti lla pupulazioni ci hè upposta bè ? Issu prughjettu di riforma di i ritirati ùn hà nè lighjittimità suciali, nè lighjittimità pupulara, nè lighjittimità dimucratica ».
Eccu u cuntinutu, più chè chjaru, di a muzioni di cinsura sposta vennari da u gruppu LIOT. Hà da essa asaminatu vennari à quattru ori llu dopu meziornu.
Ind’è u gruppu LR, uni pochi di diputati à pena ani dittu ch’iddi a vutariani.
Eppuri, poni sempri cambià i cosi, in u tempu d’una duminicata, è issa muzioni di cinsura transpartisgiana à li pudaria fà à fà bambià u guvernu.
In ugni modu, i trè diputata naziunalisti ani signatu a muzioni, chì si hà buscu 91 signaturi sparti in cinqui gruppi pulitichi.
Mancu à pinsà la, hà dittu Paul-André Colombani, ch’idda si cedi a indipindenza pulitica à emmanuel macron parvia di i discursati avviati cù a Corsica è chì, d’altrondi, sò bambii bè.
Steti à senta u diputatu lla siconda circuscrizzioni llu Pumonti
