Mobilisations contre des fermetures de classes : les précisions du recteur de Corse
(A redazzioni d'Alta Frequenza) - Di pettu à i sfarenti mubilisazioni contr'à sarraturi di scoli in Sartè è in Vicu, u rettori d'accademia hà vulsutu dà parechji pricisioni : faci sapè chì nisun dicisioni difinitiva hè stata presa oghji è chì ùn c'hè nulla di fissu fin'è u mesi di ghjunghju. È d'aghjusta "chì a pulitica accademica di spartera di i mezi s'arremba soprattuttu à a difesa di a ruralità è à u sviluppu è a prutezzioni di i siti bislingui. A presa in contu di a ruralità hè un elementu essenziali, ciò chì spiega a signatura annu di parechji cunvenzioni di ruralità pà u prima gradu". U rettori stima "chì casca mali di parlà di "un attaccu contr'à l'insignamentu in u rurali" prima di fà cunnoscia torna a so apartura à u dialogu.
