Mobilisation de Core in Fronte face à une possible suppression de réductions de peine pour Félix Benedetti
Sabbatu, Cori in Fronti hà manifistatu davanti à a prifittura llu Cismonti, in sustegnu à Félix Benedetti. Calchì riprisintenti di Femu a Corsica erani ancu iddi d’issa manifistazioni.
Félix Benedetti, chì hè suttimissu à u braccettu elettronicu, pudaria perda i riduzzioni autumatichi lla so pena : causa ni saria un scartu di 90 minuti cù i so ori di surtita privisti. L’affari saria successu di maghju, mentri una sirata urganizata in u so stabilimentu, à prò di a scola ind’iddu hè u so fiddolu.
Félix Benedetti spieca ch’iddu n’hà infurmatu l’auturità u nanzi ghjornu.
U cinqui d’austu, via un currieri di a pracura antitarrurista di parrigi, hè infurmatu d’un appellu suspinsivu di a so libarazioni, privista pà u 3 di nuvembri.
Issa situazioni, Félix Benedetti è Cori in Fronti ùn la poni accittà : par iddi, pulitica è ghjustizia sò mischiati in issu cartulari, in un cuntestu di discussioni supposti trà a Corsica è parigi.
Steti à senta à Félix Benedetti.
François Martinetti, u sicritariu naziunali di Femu a Corsica, hè ghjuntu à dì u so sustegnu, chjamendu ni à parigi, da ch’iddu s’appaci issu cartulari, è ancu tanti altri.
Steti à senta à François Martinetti.
