Mobilisation autour de la protection du patrimoine culturel face à l'urbanisme galopant
In fin’di sittimana, parichji prisidenti di cunsigli scintifichi di siti classificati o di u Parcu Naturali Righjunali ani presu a parolla, da ammintà u pinseri di a prutizzioni di u patrimoniu culturali di pettu à l’urbanismu.
« L’urbanismu isulanu, issendu si stesu com’è mai, pesa di manera irrivirsibili à nantu à u paisaghju naturali è culturali. Iss’accunciamenti riducini monda u paisaghju culturali isulanu è a risorza archeulogica, chì hè di quiddi ch’ùn si rinovani », ani dittu i prisidenti.
Da ùn irrisicà d’avè perditi difinitivi à nantu à i cantieri fatti pà issi siti chì u so putinziali archeulogicu hè aghjà cunnisciutu, parichji pruposti sò stati fatti, una di quissi issendu a criazioni d’un sirviziu archeulogicu à a Cullittività di Corsica.
Par casu ch’idda s’affacchi una evuluzioni stituziunali, pruponini ch’iddu ci sichi un urganismu da impona normi à i cantieri cuncirnati, da sfrancà si la quant’iddu si pò di a distruzzioni di u patrimoniu archeulogicu.
Steti à senta à Don Mathieu Santini, prisidenti llu cunsigliu scintificu di u PNRC.
Sur le même sujet
