Le Direct

Mission de Jean-Michel Baylet en Corse : Pierre-Jean Luciani ne désarme pas

(A redazzioni d'Alta Frequenza) - Jean Michel Baylet era in visita in Corsica ssu ghjovi. U ministru di l'Accunciamentu di u tarritoriu, di a ruralità è di i cullittività tarrituriali hè ghjuntu pà fà un ultimu puntu nant'à a missioni ch'ellu hà purtatu duranti parechji mesi cù l'Assemblea di Corsica. L'urdinanzi criendu una cullittività unica in Corsica, a legi Muntagna, ùn vultaremi micca cù ditagli nant'à tuttu ciò chì hè accadutu in a vita publica di l'isula dipoi mesi è mesi. Jean Michel Baylet l'hà ditta ssu ghjovi : ancu s'è l'urdinanzi sò stati vutati, ferma torna assai travaghju à fà pà metta in appiecazioni tuttu ciò chì hè statu dicisu. In fatti, una legi diventa effettiva solu quandu i dicreti d'appiecazioni sò stati publicati. A Cullittività di Corsica, hè fatta, ma sarà sempri ind'i cundizioni d'oghji ? Ùn c'hè nulla di più sicuru. In fatti, di pettu à l'alternenza pulitica futura, hè torna pussibuli di cambià d'una manera prufonda ciò chì hè statu difinitu inde l'urdinanzi. Hè in tutti i casi u parè di Pierre Jean Luciani è farà tuttu par quissa.

Eccu l'intervista di u presidenti di u Cunsighju Dipartimintali di Corsica Suttana.