Trasfirimenti : Lisandru Tramoni à u PSG ?
Photo AC-Ajaccio.corsica
( A ridazzioni d'Alta Frequenza) -Lisandru Tramoni, u ghjovanu mezu tarrenu uffinsivu di l’AC Aiacciu, chì si hè fattu cunnoscia cù i U 17 naziunali lla so squadra è cù a silizzioni francesa, si hà da lacà, da quì à pocu, a so squadra corsa.
Cuntattatu da parichji squadri francesi è stranieri, u ghjuvanottu hè cunsidaratu com’è un gran’ ghjucadori di l’anni à vena. Di regula, duvaria andà à u PSG. I discussioni sariani in cursu pà un trasfirimentu di 3 o 4 millioni d’auri, pà issu ghjuvanottu chì saria ancu piaciutu à tanti squadri stranieri.
Hè da nutà chì u frateddu maiori di 19 anni, Matteo, si duvaria ancu iddu lacà à Aiacciu. Si dici ch’iddu saria statu compru da l’Olympiakos. Ci sariani stati dinò squadri inglesi è alimani intarissati da issu ghjovanu ghjucadori.
