Le Direct

Maxime Beux sera reçu par Bernard Cazeneuve le 20 juin prochain

(A redazzioni d'Alta Frequenza) - Vittoria. Era a parolla maestra vennari à sera in piazza San Niculà, induva sustenidori di Bastia 1905 è u cullittivu Ghjustizia è Verità erani aduniti pà annunzià una nutizia impurtanti. In fatti, Maxime Beux, u sustenidori bastiacciu feritu gravi in Reims di farraghju scorsu duranti incidenti cù a brigada contr'à a criminalità di Reims, sarà ricivutu in Parighji da u ministru di l'Internu, Bernard Cazeneuve, u 20 di ghjunghju, cù a so famighja. Una nutizia cumunicata dopu un intrattenu cù u prifettu di Corsica Suprana, Alain Thirion, chì hà fattu ricullà dunqua assai in furia l'infurmazioni fin'è u ministeru di l'Internu. Faci chì, à a dumanda di u cullittivu, Jean Baptiste Castellani hà piantatu a so greva di a fami ch'ellu avia principiatu luni à sera.

Malgradu tuttu, a mubilisazioni ùn devi micca sminuiscia parchì a strada ver di a ghjustizia è a verità sarà torna longa d'appressu à Maxime Beux, ch'è no ascultemi.