Le Direct

Maternité de Porto-Vecchio : le soutien de Corsica Libera

Via un cumunicatu, Corsica Libara dinuncia a vulintà di l’ARS lla Corsica di chjuda a maternità di a clinica di Portivechju.

« A maternità di Portivechju hè un sirviziu di prima impurtanza pà l’abitanti di a pievi, è ancu da culandi. Issa dicisioni, chì ùn s’arremba chè a cunsidarazioni suldarini, è chì metti in piriculu issu sirviziu indispinsevuli pà u rughjonu, hà da avè cunsiquenzi tarribuli pà i famiddi d’Avretu », dici Corsica Libara.
« Issa dicisioni và contru à iintaressi vitali di u Populu Corsu. A crisa di u COVID hà missu in risaltu a puvartà di a Corsica, par ciò chì tocca à l’attrazzi uspitalieri è a midicatura. A logica vurria ch’iddi si dochini di più mezi midicali. A criazioni d’un CHU, u statu francesu faci neci d’ùn senta la. Issa dicisioni chivi faria pighjurì a situazioni sanitaria di tuttu u suttanacciu », pricisa u muvimentu.
Corsica Libara ni chjama dunqua militanti è simpatizanti à porghja aiutu à u cumitatu di sustegnu è à participà, duminica u 29 di ghjinnaghju, à a cunfarenza di stampa ch’iddu urganizighja, è à tutti l’azzioni avviati da circà à salvà a maternità.