Masques, écoles, plages, réouverture du Marché : les réponses du maire de Bastia, Pierre Savelli
Criticatu da l'uppusizioni pà a so gistioni lla crisa, u merri di Bastia, Pierre Savelli, rispondi à uni pochi di intarrugazioni, à nantu à parichji sughjetti.
Pà i mascari, Pierre Savelli dici chì 11 300 mascari, cumandati da a mirria di Bastia à a start-up Mascà, sò distribuiti dipoi u 7 di maghju, cù certi reguli di priurità. U merri di Bastia dici ch’iddu ùn l’hà distribuiti, i mascari lla CAB, parch’idda mancaia una fiscia tecnica da ghjuvà si ni bè.
In quantu à i scoli, sò 159 i ziteddi chì sarani accolti à cuntà da luni, sparti in 9 scoli elimintarii è 2 materni, incù una media di setti ziteddi à gruppu. Da aiutà à issa ripresa ci hè statu una furmazioni lli parsunali, accunciamenti spicifichi di i lucala, è u sirviziu di cantina sarà mantinutu.
Pà i marini, a vulintà di i cumuni di a CAB è di Marana-Golu, tutti d’accunsentu à senta à Pierre Savelli, hè di riapra li da 7 ori di mani à à 8 ori di sera ugni ghjornu à parta si da issu luni, sè u prifettu dà u so accordu.
Infini, pà u marcatu di Bastia, postu ch’idd’hè ghjunta l’autorisazioni di u prifettu llu Cismonti issu vennari, hà da riapra sabbatu, in cunfurmità cù a situazioni.
Stemu à senta à Pierre Savelli, u merri di Bastia.
Sur le même sujet
