Le Direct

Masques de la Communauté d'Agglomération de Bastia : la CAB demande de ne plus les utiliser suite à un niveau de protection insuffisant

È si parla avali di i mascari riaprudevuli in tissutu, cumandati da a CAB di Bastia à l’epica di François Tatti, è chì sò stati distribuiti di maghju.
U so liveddu di prutizzioni ùn bastaria à veru : quissa a dici unu studiu fattu da un lavuratoriu accirtatu, ch’iddu hà cumandatu Louis Pozzo di Borgo, u novu prisidenti lla CAB. A so filtrazioni ùn tuccaria chè i 27 %, quand’iddi sò ricumandati à u minimu 70 %.
Dici a CAB chì a sucità chì hà fattu issi mascari, chì si trova in Perpignan, ùn hà pussutu purtà elementi di cunfurmità.
In cunsiquenza, a CAB dumanda à l’abitanti d’ùn ghjuvà si ni più, è faci sapè ch’idda hà ingagiatu i ricorsi nicissarii, in seguitu à issa infurmazioni.