Maritime : journée décisive au tribunal de commerce de Marseille
(A redazzioni d'Alta Frequenza) - Mentri ch’ellu c’era arimani (marcuri) in Marseghja un cumitatu d’intrapresa di a MCM chì hà vistu Patrick Rocca prisintà à l’impiegati di a cumpagnia l’accordu di fusioni trà a so entità è a Corsica Maritima, cù parè sfarenti sicondu i sindicati, ci sarani dui audienzi impurtanti ssu ghjovi in u tribunali di cummerciu di Marseghja. A prima cuncerna a legalità di a linea di trasportu di marcanzii trà Bastia è Marseghja lanciata da Corsica Linea calchì simana fà. A siconda tocca infini è ghjustu appuntu ss’accordu di fusioni trà a MCM di Patrick Rocca è a Corsica Maritima di François Padrona. Ci vultaremi.
Sur le même sujet
