Maria Giudicelli rassurée suite à la visite de la nouvelle centrale électrique de Lucciana
(A redazzioni d'Alta Frequenza) - Issu luni, Maria Giudicelli, a cunsighjera esecutiva incaricata di u cartulari di l'energia, hà visitatu cù altri eletti com'è Michel Stefani, Fabienne Giovannini o u merri di Lucciana José Galletti a nova cintrali elettrica di Lucciana, cù trè mutori chì sarani lanciati à a fin di u 2013, è quattru altri à a mità di u 2014. Issa visita hà parmissu di rassicurà quilli chì dubbitavani di un principiu à u fuel lighjeru. In fatti, fora di a tappa sicura di i mutori chì hà parmissu di verificà a so cunvertibilità à u gaz, quissa quì hè passata pà lucali custruiti à u mumentu chì a cintrali duvia principià à u fuel pisivu, lucali sottu utilizati o ancu guasgi bioti, com'è par asempiu quillu duva "centrifugeuses" duviani chjarificà u diesel di l'umidità, quissi quì essendu più nicissarii pà u gasoil. Listessi affari pà i cundutti, adattati à u trasportu di u fuel lighjeru ma micca adattati inveci pà traspurtà u fuel pisivu. È ancu s'è a cintrali ùn pudarà micca cumincià à funziunà d'aostu com'è privistu, a suddisfazioni era prisenti pà Maria Giudicelli.
Ecoutez-la.
Sur le même sujet
