Manifestation pour les prisonniers politiques en septembre à Ajaccio : entretien avec J-M Poli
(A redazzioni d'Alta Frequenza) - Hè ghjunta l’ora di a mubilisazione ! Hè u titulu di u cumunicatu di l’Associu Sulidarità, chì lampa una chjama à una mubilisazioni maiò u sabbatu u 24 di sittembri à partasi di 2 ori partendu da a gara d’Aiacciu. Una manifistazioni pà dumandà più cà mai l’annistia di i prighjuneri pulitichi è a fini di i pruceduri ghjudiziari pà i ricircati. In a so cumunicazioni, l’Associu faci sapè chì Petru Paoli è Emmanuel Peru, pà quali u ghjudici avia datu l’ordini di libaralli, sò stati mantinuti ssu marti in prighjoni à a dumanda di a pricura, mentri chì Marc Ganu, libaratu 6 ghjorni fà, passava libaru sempri ssu marti ed hè statu torna incarciaratu pà contu soiu. Una dicisioni chì hè « un scandalu cù mutivi falsi, chì hè una pruvacazioni di più, a pruvucazioni di u troppu », dici Sulidarità.
Steti à senta à Ghjuvan Maria Poli, u so presidenti.
