Manifestation Ghjuventù Indipendentista à Corte : occupation en cours à la citadelle
(A redazzioni d'Alta Frequenza) - À a chjama di a Ghjuventù Indipendentista, parechji centunai di parsoni si sò aduniti in piazza Paoli in Corti ssu marcuri dopu meziornu pà difenda i sfarenti deliberazioni di l'assemblea di Corsica è dumandà l'amnistia di i prighjuneri pulitichi. Una manifistazioni chì s'hè passata in u calmu, induva u parcorsu s'hè fattu annant'à u corsu Paoli, senza incidenti, prima chì una parti di i parsoni cullessi fin'è a citadella. Di fattu, una vintina di membri di u sindicatu occupa di manera pacifica u locu dittu "Nid d'aigle" è hà principiatu una greva di a fami. Piantarani a so azzioni solu dopu avè ricivutu una risposta pusitiva di u Statu. Da un'antra banda, prima à ssa manifistazioni, parechji parsoni sò stati arristati falendu da u trenu chì ghjunghjia da Bastia in gara di Corti, dopu essa stati filicati. Sò in guardia custodia in Borgu.
Steti à senta à Petru Vesperini, u presidenti di a Ghjuventù Indipendentista.
