Le Direct

Manifestation de Bastia : mis en cause par un syndicat policier, les pompiers de Haute-Corse pourraient déposer plainte pour diffamation

Luni, à nantu à CNEWS è Europe 1, David Le Bars, u sicritariu ginirali llu sindicatu SCPN UNSA di a pulizza, hà missu in causa i spinghjifoca llu Cismonti dindu chì, mentri a manifistazioni di duminica in Bastia, ùn si sariani dispiazzati par succora à certi pulizzieri. Tandu, à quissi, ci saria vulsutu à carrià li in i cascioni lli vitturi.

Hà ancu dittu, David Le Bars, chì l’amicizii devini passà dopu à i missioni di succorsu.
Steti lu à senta.

 

Parvia d’issa missa in causa, hà riagitu, marti, u SIS llu Cismonti. Hyacinte Vanni hà dittu ch’idd’ùn si pudiani accittà issi paroli indegni. U prisidenti llu SIS llu Cismonti hà dicisu di spona lagnanza à mutivu di diffamazioni. Ma pà issa dicisioni, piddarà u tempu di cunsultà i cunsiglieri ghjuridichi di l’assemblea corsa.

Hyacinte Vanni apsetta ch’iddu riagisca pà issu particulari gérald darmanin, chì veni in Corsica marcuri è ghjovi.
Steti à senta à Hyacinte Vanni.

 

U STC lli spinghjifoca si hè dittu affesu bè da issi parolli. Ùn si pò accittà ch’iddi sichini missi in causa i spinghjifoca in l’urganisazioni lli succorsi è a presa in carica lli ferti, hà dittu u sindicatu.

Masimu chì i succorsi sò stati tocchi ancu iddi da i bombi lacrimatoghji.

I suldata di u focu, più chè i scusi, aspettani una cundanna da l’auturità.
Steti à senta à Lucien Rossini pà u STC lli spinghjifoca 2B.