Manifestation d'agriculteurs : trois agriculteurs condamnés à du sursis
(A redazzioni d'Alta Frequenza) - U 20 d'aprili scorsu, à a chjama di u sindicatu Jeunes Agriculteurs, guasgi centu agricultori aviani manifistatu davanti a prifittura di Corsica Suprana in Bastia. Duranti ssa manifistazioni, un focu di pneus avia distruttu pà 23 000 auri u purtoni di a prifittura, è trè agricultori erani stati missi in asamini pà avè francatu u purtò di a prifittura, unu avendu minatu un membru di i forzi di l'ordini. S'è u prucuratori di a Republica di Bastia, Nicolas Bessone, avia dumandatu da ottu mesi fin'è un annu di prighjoni attimpati, dumandi muderati d'appressu à ellu è equilibrati di pettu à l'assenza di passatu ghjudiziari pà i trè omi fora di u fattu d'avè cunduttu cù appena troppu alcool in u sangui pà unu, è di pettu à u cuntestu di ssa manifistazioni, chì hè sbuccata annant'à un accordu cù u ministeru di l'Agricultura annant'à i rivindicazioni purtati ssu ghjornu quì, a sintenza sarà stata menu impurtanti infini. Romain Provent hè statu cundannatu à ottu mesi di prighjoni attimpati, mentri chì Sébastien Costa è Cyrille Provent ani presu cinqui mesi di prighjoni attimpati.
Una dicisioni ghjudicata com'è pisiva da l'agricultori, com'ellu a ci spiega Ghjaseppu Colombani, u presidenti di a camara regiunali d'agricultura.
Sur le même sujet
