Mafiosisation de la Corse : Core in Fronte appelle à un grand débat le 29 septembre à Corte
Cù un tweet, Cori in Fronti, in riazzioni à l’assassiniu di Massimu Susini, chjama « tutti i corsi à scità a so cuscenza cullittiva », è à participà à un dibattitu, duminica u 29 di sittembri à 3 ori, à nantu à a piazza di l’Università.
Cori in Fronti, dunqua, dopu à « l’assassiniu udiosu di Massimu Susini, ni chjama ugni corsu à scità si à a so cuscenza cullittiva, impastata in i valori fundatrici llu populu Corsu. Di pettu à a maffiusisazioni di u nosciu paesu, chì u soldu ci pidda a suprana à ugni liveddu di puteri è di sviluppu, di pettu à u lascia corra è u silenziu di tutti l’attori è di u statu francesu, u nosciu duveri hè di fà fronti ». U muvimentu dici « ch’idd’ùn ci voli à lacà tumbà a noscia ghjuvantù », è lampa una chjama à tutta a classa pulitica isulana, à u mondu assuciativu è culturali è, più glubalmenti, à a sucità corsa intreva.
Eccu l’intigralità d’issa chjama.
Ùn lasciemu tumbà a noscia ghjuventù !
Dopu à l'odiu assassiniu di Massimu Susini chjamemu tutti i Corsi à discità a noscia cuscenza cullettiva impresa di i valori fundivi di u populu corsu.
Davant'à a maffioisazione di u nosciu paesi, induva u soldu piglia a suprana in tutt’i livelli di puteru è di sviluppu, è davant' à u lascia corre è u silenziu di tutti l'attori è di u statu francese avemi u duveru d’alzà ci.
Tutt’insemi dimu innò !
Ùn lasciemu tumbà a noscia ghjuventù !
Chjamemu tutti i muvimenti pulitichi, associi, gruppi culturali è al di là a sucetà corsa à un’addunita è un dibbattitu à l' Università di Corsica dumenica u 29 du sittembri à 3 ori di dopu meziornu.
Sta chjama hè di tutti è par tutti, ripigliemula.
Core in Fronte
Sur le même sujet
