Le Direct

Macinaghju : une enquête ouverte suite à l'agression homophobe subie par un couple dans un bar

Dipoi issu ghjovi matina, hè statu spartutu pà issi reti suciali u ritrattu d’un coppiu d’omini chì s’ani patutu assalti viulenti marcuri, in un caffè di Macinaghju.

Si trattaria chivi, à senta ni una di i vittimi, di viulenzi umuffobi.

Via un cumunicatu, arnaud viornery, u prucuratori lla ripublica in Bastia, ni dà cunfirma :

« In a nuttata da u 14 à u 15 di luddu, ci hè statu un’agrissioni umuffoba in Ruglianu. Dopu à u focu d’artifiziu, un gruppu di 5 parsoni, in vacanzi in Corsica, si ni muvia à passà a sirata in un caffè llu portu di Macinaghju.

Versu mezanotti è mezu, dui parsoni d’issu gruppu, in coppiu, s’ani buscu inghjulii umuffobi, po’ sò stati presi à calci è à pugna da parichji parsoni. Parvia d’issi viulenzi, l’hè stata cuncessa una intirruzzioni di travaddu di 6 è 8 ghjorna. Una terza parsona hè stata ferta.

A pracura di Bastia, in associu cù a brigata lli ricirchi di Bastia è a cumunità lli brigati di Brandu, hà apartu una inchiesta à mutivu di viulenzi vulintarii in riunioni parvia di l’uriintazioni sissuali lli vittimi, cù intirruzzioni di travaddu d’ottu ghjorna ».