Lutte contre la radicalisation violente : une convention signée en Corse-du-Sud
(A redazzioni d'Alta Frequenza) - Un protocollu quadru annant'à a presa in carica di i ghjovani maiò in Corsica Suttana cuncirnendu a lotta contr'à a radicalisazioni viulenti hè statu signatu ssu ghjovi da mani in a prifittura d'Aiacciu. Una cunvenzioni passata trà u prifettu, u prucuratori di a Republica, u Cunsighju Dipartimintali, a CAPA, a direzzioni dipartimintali di a prutezzioni ghjudiziaria di a ghjuventù, a dilegazioni militari dipartimintali, Pôle Emploi, a Cascia d'allucazioni famigliali è a FALEP. Ogni dipartimentu di Francia hà missu in ballu un cumitatu di seguitu pà pighjà in carica parsoni chì ùn facini micca l'ughjettu di un trattamentu ghjudiziariu, postu ch'elli ùn sò micca culpevuli di fatti di delitti o di crimini. A presa in carica si faci dunqua annant'à a basa di u vulintariatu di i parsoni cuncirnati, è s'è nisun casu verificatu hè statu trovu par avà in Corsica Suttana, ognunu dici ch'ellu hè prontu à agiscia pà scopra segni di radicalisazioni.
Steti à senta à Christophe Mirmand, u prifettu di Corsica Suttana.
Sur le même sujet
