Lumio: un légionnaire grièvement blessé par un tir d'arme à feu
(A redazzioni d'Alta Frequenza) - Un omu hè statu feritu da un tiru d'arma à focu stanotti (di marcuri à ghjovi) in Balagna, nant'à a cumuna di Lumiu. Sicondu i primi elementi racolti, saria un legiunariiu di Calvi d'urighjini spagnola, chì saria intrutu ind'una casa di un particulari, pà mutivi sempri scunnisciuti. U pruprietariu di l'alloghju avaria tiratu tandu nant'à u legiunariu, è l'avaria feritu di modu gravi in capu. Iss'ultimu hè statu presu in carica dopu da i succorsi, è traspurtatu in urghjenza à l'uspidali di Bastia. A so vita saria in periculu. L'omu chì hà tiratu, di una sittantina d'anni, chì hà chjamatu i gendarmi, hè intesu. L'inchiesta hè stata cunfidata à a brigada di Calvi.
Sur le même sujet
